Dog‘istonda olti nafar jangari yo‘q qilindi

Dog‘istonning Qizilyurt tumanida o‘tkazilgan maxsus operatsiya davomida dastlabki ma’lumotlarga ko‘ra kamida olti nafar jangari yo‘q qilindi, deb xabar bermoqda “TASS”.

Qayd etilishicha, Rossiya Federatsiyasi tarkibidagi Dog‘iston Respublikasining Qizilyurt tumanida aksilterror operatsiya rejimi o‘tkazilib, 25-fevral kuni mahalliy vaqt bilan soat 7:30 da maxsus operatsiya boshlangan.

Maxsus xizmatlar vakilining so‘zlariga ko‘ra, operatsiya haligacha davom etmoqda, o‘rmonda yana to‘rt nafar jangari qolgan bo‘lishi mumkin.