O‘zbekistonda 60 yoshdan oshgan fuqarolar uchun ozodlikdan mahrum etishning eng uzoq muddati qisqartiriladi

O‘zbekiston Respublikasi Jinoyat kodeksining 50-moddasiga o‘zgartish kiritilib, 60 yoshdan oshgan ayollar va erkaklar uchun ozodlikdan mahrum etishning eng uzoq muddati qisqartirilishi rejalashtirilmoqda, deb xabar berdi “Gazeta.uz”.

Tegishli qonun loyihasini ishlab chiqish “Keksalarni e’zozlash yili” davlat dasturida ko‘zda tutilgan. O‘zgartishlar joriy yilning ikkinchi choragida tayyorlanishi lozim.

Eng uzoq muddatga ozodlikdan mahrum qilishga hukm qilingan 60 yoshdan oshgan fuqarolar uchun ozodlikdan mahrum etilishning 3/4 qismi (75 foiz) dan 2/3 qismi (67,7 foiz) ga qisqartirish taklif qilinmoqda.