Ukraina prezidenti Pyotr Poroshenko Litva va Polsha bilan hamkorlikda harbiy qism tuzish haqidagi bitimni ratifikatsiyalovchi qonunni imzoladi, deya xabar bermoqda Meduza.
Brigada BMT Xavfsizlik Kengashi mandati hamda Litva, Polsha va Ukraina mas’ul organlari qarorlari asosida o‘tkaziladigan xalqaro operatsiyalarda qatnashish maqsadida tashkil qilinmoqda. Kelishuv tomonlarning birgalikdagi taklifi bo‘yicha boshqa davlatlar qo‘shilishi uchun ham ochiqdir.
Brigada qo‘mondonligi Polshaning Lyublin shahrida joylashadi. Qo‘mondonlik Polsha qonunchiligi, shuningdek xalqaro huquqning tegishli me’yorlariga rioya qiladi.
Bitim hamkorlikdagi o‘quv mashqlari, tayyorgarlik va operatsiyalarda qatnashish chog‘ida har bir davlat brigada tarkibidagi o‘z bo‘linmalarini moliyaviy ta’minlashini ko‘zda tutadi.
Izoh (0)