“Oskar — 2015”: g‘oliblarga haykalchalar beriladi, mag‘lublarga — taqinchoq va shirinliklar
22-fevral kuni 87-“Oskar” mukofotlarini topshirish marosimi bo‘lib o‘tadi, deya xabar bermoqda “Segodnya.ua”.
Unda g‘oliblarni “Oskar” haykalchalari kutsa, mag‘lublar tashkilotchilar tomonidan “sovg‘a paketlari”ga ega bo‘ladi. Ularning tarkibi 125 ming dollarga baholanmoqda, bu o‘tgan yilgidan 40 ming dollarga qimmatroq demakdir.
“Sovg‘ali paketlar “eng yaxshi aktyor”, “eng yaxshi aktrisa”, “ikkinchi darajali eng yaxshi aktyor”, “ikkinchi darajali eng yaxshi aktrisa”, “eng yaxshi rejissor” yo‘nalishlarida mag‘lub bo‘lganlarga taqdim etiladi.
Ushbu paket tarkibiga kosmetik protseduralar uchun sertifikat (18 ming dollar), Italiyadagi kurortlardan biriga sayohat (1,5 ming dollar), Kanada tog‘lariga sayohat (14,5 ming dollar), shirinliklar buyurtma qilish uchun sertifikat (250 dollar), Audi avtomobillarini ijaraga olish uchun yillik abonement (20 ming dollar), taqinchoqlar hamda boshqa noodatiy sovg‘alar kiradi.
