Kanada Rossiya va Donbassdagi ayirmachilarga nisbatan yangi sanksiyalarni kiritdi
Ottava Moskvaga qarshi sanksiyalarni kengaytirib, yana 37 nafar Rossiya va Ukraina fuqarolarini Kanadaga kirishi taqiqlangan shaxslar ro‘yxatiga kiritdi, deb xabar bermoqda “Segodnya.ua”.
Jumladan, Rossiya mudofaa vaziri o‘rinbosari Anatoliy Antonov, “Rostex” bosh direktori Sergey Chemezov, Rossiya Qurolli kuchlari Bosh shtabi rahbari o‘rinbosari Andrey Kartapolov, Rossiya harbiy dengiz floti kontr-admirallari Aleksandr Nosatov va Valeriy Kulikov, jurnalist Dmitriy Kiselyov, deputat va qo‘shiqchi Iosif Kobzon, deputat Valeriy Rashkin, bayker Aleksandr Zaldostanov, general-mayor Aleksandr Naumets va general-leytenant Igor Turchenyuk yangi sanksiyalar ro‘yxatidan o‘rin olgan.
Shuningdek, 17 ta kompaniyaga nisbatan iqtisodiy sanksiyalar ham kiritilgan. Jumladan, “Rosneft” kompaniyasiga va “Novorossiya” harakatiga cheklovlar joriy qilingan. Bundan tashqari, Donbassdagi ayirmachilarning bir necha vakillariga ham Kanadaga kirish taqiqlab qo‘yilgan.
