Toshkentda amalda bo‘lgan irrigatsiya-drenaj tizimi o‘tgan yilning mayida sodir bo‘lgan kuchli yomg‘ir chog‘ida “jala suvlarining oqib ketishini ta’minlashga qodir bo‘lmagan”. 2014-yil 10-iyunida O‘zbekiston hukumati tomonidan tashkil qilingan ishchi guruh poytaxtdagi yer usti va yer osti suv oqimlari inventarizatsiyasini o‘tkazgach, shunday xulosaga keldi, deb yozadi “Gazeta.uz”.
Vazirlar Mahkamasi tomonidan 2015-yil 11-fevralda tasdiqlangan Toshkentda favqulodda vaziyatlar sodir bo‘lganida yer osti va yer usti suv oqimlarining barqaror ishlashini ta’minlash bo‘yicha konsepsiyada Toshkentning irrigatsiya-drenaj xo‘jaligi tizimi ishini mukammallashtirishga qaratilgan chora-tadbirlar belgilandi.
Buning uchun obyektlarni qurish, rekonstruksiya qilish, kapital ta’mirdan chiqarish, zamonaviy tejamkor texnologiyalar joriy etish ishlari olib boriladi.
Shuningdek shaharda hududni yomg‘ir va toshqin suvlari bosishi xavfi yuzaga kelganida aholini xabardor qilishning yagona tizimi yaratiladi.
Izoh (0)