Xalq bankining “Omad kulganda” lotereyasi natijalari 13-fevral kuni e’lon qilinishi haqida xabar berildi

O‘zbekiston Respublikasi Davlat-tijorat Xalq banki bankning “Omad kulganda” tirajli, pul-buyum yutuqli lotereyasining natijalari 13-fevral kuni e’lon qilinishini ma’lum qildi.

“Daryo” o‘quvchilarining bu yuzadan ko‘plab qo‘ng‘iroqlaridan keyin bank bilan bog‘lanib, natijalar qachon chiqishiga oydinlik kiritishga qaror qildi. Xalq banki matbuot xizmatining bosh mutaxassisi Saidkomil Xo‘jayevning so‘zlariga ko‘ra, lotereya bo‘yicha yutuqlar tiraji 2015-yilning 10-fevralida Xiva shahrida Axborot texnologiyalari kollejida ochiq tarzda o‘tkazilgan.

Bank vakilining ma’lum qilishicha, natijalar ertaga, 13-fevral kuni “Xalq so‘zi” gazetasida e’lon qilinadi. Shuningdek, bankning rasmiy saytiga ham joylashtiriladi.