Bugun Tailand poytaxti Bangkok shahrida davom etayotgan futbol bo‘yicha “Qirol Kubogi” musobaqasida 2-tur uchrashuvlari o‘tkazildi. Ilk uchrashuvda Janubiy Koreyaga 0:1 hisobida imkoniyatni boy bergan Shuhrat Maqsudov shogirdlari bugun mezbonlarni 5:2 hisobida taslim etishdi, deb xabar bermoqda “Olamsport”.
G‘alaba-ku yaxshi, lekin bu safar ham futbolchimizning qizil kartochka olgani kishini o‘ylantiryapti. Olimpiyachilarimiz o‘zlarini qo‘lga ola bilishmayaptimi yoki buning boshqa sababi bormi? Birinchi o‘yinda ikki futbolchimiz “hunar” ko‘rsatgandi. Uchrashuvda zahiradan maydonga tushgan Fomin ham qizil kartochka oldi. Bu ketishda chetlatishlar sabab, Rio Olimpiadasiga chiqa olmaymiz shekilli.
Guruhning ikkinchi o‘yinida Gondurasdan 2:0 hisobida ustun kelgan Janubiy Koreya terma jamoasi deyarli turnir g‘olibiga aylandi. Endi 7 fevral kuni O‘zbekiston – Gonduras, Janubiy Koreya – Tailand terma jamoalari o‘zaro munosabatlariga oydinlik kiritib olishadi.
“Qirol Kubogi” (King's Cup). 4-fevral. Bangkok.
O‘zbekiston (U-23) – Tailand MTJ 5:2
Gollar: Pokklav Annan 8, - 0:1. Sobirxo‘jayev 13, - 1:1.Iskanderov 43, - 2:1. Pokklav Annan 72, - 2:2. Fomin 76, - 3:2. Maxstaliyev 81, - 4:2. Sergeyev 90, - 5:2.
O‘zbekiston (U-23): Abdumavlon Abdujalilov, Muhsin Ubaydullayev, Xurshid Muxtorov (Maksimilian Fomin, 55), Sardor Rahmonov, Diyor Turopov, Sardor Sobirxo‘jayev (Javohir Rasulov,75), Abdulloh Olimov, Jahongir Abdumo‘minov, Jamshid Iskanderov (Murod Bobojonov, 90+2), Abbos Maxstaliyev, Igor Sergeyev.
Chetlatish: Maksimilian Fomin 90+4
Izoh (0)