Arxeologlar aniqlashicha, nisbatan uncha qadimiy bo‘lmagan tarixda (bronza davri, 3100—7200 yil avval) yevropaliklar kuchuk, mushuk va bo‘rsiq go‘shtini iste’mol qilgan. Bu haqda Odam paleekologiyasi va ijtimoiy evolyutsiya bo‘yicha Kataloniya instituti tadqiqotlariga tayanib, Daily Mail xabar berdi.
Olimlar El-Mirador g‘ori (Ispaniya)da topilgan ushbu hayvonlar suyaklarida odam tishlari izlarini aniqladi. Bu g‘orni neolit va bronza asri iberiylari (qadimgi Ispaniya qabilalari) qoramol saqlash uchun ishlatgan. Biroq g‘orda yashovchilar yirik shoxli qoramoldan tashqari mayda yirtqichlarni ham yegan. “El-Mirador g‘orida itlarni bo‘laklarga bo‘lib, suyagini go‘shtidan ajratgan va qaynatgan”, — dedi tadqiqot yetakchi muallifi Patritsiya Martin.
Uning aytishicha, faqat ocharchilik yillaridagina odamlar bunday taomga murojaat qilgan bo‘lishi mumkin. Biroq Iberiya yarim orolida kuchuk go‘shti oqsilning muhim manbai, shuningdek tansiq taom ham hisoblangan.
Izoh (0)