Sun’iy yo‘ldoshdan olingan so‘nggi suratlardan KXDR Yonbendagi yadro reaktorini qayta ishga tushirish uchun deyarli tayyorligini ko‘rish mumkin, deb xabar bermoqda “Interfaks”.
“Olingan suratlar reaktorni qayta ishga tushirishga urinishning ilk bosqichlarini ko‘zda tutuvchi faollik yangilanganidan guvohlik bermoqda”, − deyiladi AQShning Jon Xopkins universitetining 38 North saytida.
Reaktorni qayta ishga tushirish ehtimoli belgilari sifatida ortiqcha bosim klapanidan chiqayotgan bug‘ va mashina zalidan sizib chiqayotgan erigan suv ko‘rsatilmoqda.
Yonbendagi yadro obyektida o‘rnatilgan 5 Megavatt quvvatga ega reaktor 2007-yil oktabr oyida to‘xtatilgan edi. Ushbu reaktor KXDRda plutoniy olish bo‘yicha yagona manba hisoblanadi.
Izoh (0)