“Bo‘ston trans servis” MChJ yangi Isuzu avtobuslariga ega bo‘ldi, deb xabar beradi O‘zbekiston avtomobil va daryo transporti agentligi axborot xizmati.
Qoraqalpog‘iston Respublikasidagi “Bo‘ston trans servis” MChJ o‘z avtotransport parkini zamonaviy avtobuslar hisobiga yangilash, shu orqali xizmat ko‘rsatish sifatini oshirish maqsadida “Mikrokreditbank” mahalliy filialidan olingan 250 million so‘m miqdorda kredit olib, ushbu mablag‘larni Samarqand avtomobil zavodida ishlab chiqarilgan Isuzu avtobuslari xarid qilishga yo‘naltirdi.
Bugunga qadar korxona Isuzu NP 37 va Isuzu NP 26 rusumli ikkita avtobusni qabul qilib oldi. Yangi transport vositalarini Bo‘ston — Nurumbetov OFY shahar atrofi yo‘nalishi hamda Bo‘ston — Nukus viloyat ichi-shaharlararo yo‘nalishiga chiqarish rejalashtirilgan.
Shartnomaga binoan “Bo‘ston trans servis” MChJga yanvar oyining oxiriga qadar Isuzu NP 21 rusumli yana bir yangi avtobus yetkazib beriladi.
Yangi avtotransport vositalari xarid qilinishi natijasida to‘rtta yangi ish o‘rni tashkil etildi.
Izoh (0)