Apple gadjetlar savdosi hajmi bo‘yicha birinchi marta Nokia’dan o‘zib ketdi

Nokia brendi bozordagi hissasi bo‘yicha Apple’dan ortda qolib ketdi, deya xabar bermoqda “Mail.ru”.

2014-yilning to‘rtinchi choragi bo‘yicha dastlabki ma’lumotlarga ko‘ra, Apple kompaniyasi gadjetlar savdosi hajmi bo‘yicha birinchi marta Nokia’dan o‘zib ketdi. Endi u dunyoda Samsung’dan keyingi ikkinchi pog‘onani band etib turibdi.

To‘rtinchi chorakda Samsung 78 million, Apple kompaniyasi 70 millionga yaqin qurilma sotgan, Nokia’da esa bu ko‘rsatkich 50 milliontani tashkil etgan.

Nashrning ta’kidlashicha, bir yil ichida Samsung’ning bozordagi ulushi 34 foizdan 25 foizgacha tushib ketgan. Agar ushbu tendensiya saqlanib qolsa, savdo hajmi bo‘yicha brendlar reytingida tez orada Apple yetakchilik qilishi mumkin.