“O‘zbekiston havo yo‘llari” “Toshkent – Tokio – Toshkent” yo‘nalishidagi uchta reysni bekor qildi

“O‘zbekiston havo yo‘llari” milliy aviakompaniyasi “Toshkent – Tokio – Toshkent” yo‘nalishi bo‘ylab 2015-yilning 4, 11 va 18-fevralga mo‘ljallangan reyslarni bekor qildi, deb xabar bermoqda “O‘zbekturizm” milliy kompaniyasi rasmiy sayti.

Ushbu qaror “Toshkent – Tokio – Toshkent” yo‘nalishi bo‘yicha reyslar tijoriy jihatdan qoniqarli to‘lmagani tufayli qabul qilingan.

Bekor qilingan reyslar uchun chipta sotib olgan yo‘lovchilar “O‘zbekiston havo yo‘llari” milliy aviakompaniyasi Markaziy aviakassasiga telefon yoki elektron pochta orqali murojaat qilishlari mumkin.