Parijdagi arab elchilari kengashi Charlie Hebdo satirik gazetasining oxirgi sonida bosib chiqarilgan Muhammad (s.a.v.) payg‘ambar haqidagi yangi karikaturalarni qoralab chiqdi, deb xabar bermoqda “TASS”.
“Bu birdamlik, oshkoralik va bag‘rikenglik kerak bo‘lgan bir paytda oraga nifoq va nafrat soluvchi ig‘vodir. So‘z erkinligi tamoyilini hurmat qilish boshqa insonlarning dinini haqoratlash huquqini bermaydi”, − deyiladi bayonotda.
Eslatib o‘tamiz, 7-yanvar kuni Charlie Hebdo gazetasi tahririyatiga hujum uyushtirilib, 12 kishi o‘ldirilgach chiqqan gazetaning ilk sonida bunday karikaturalar chop etilgan bo‘lib, avvallari 60 ming adadda chiqarilgan gazetaning adadi 7 millionga yetgan.
Izoh (0)