Qo‘qonda avtomobillarga gaz to‘ldirish shoxobchasida Nexia portlab ketgani xabar qilindi

Qo‘qonda avtomobillarga gaz to‘ldirish shoxobchasida taksi xizmatini ko‘rsatuvchi Nexia avtomobili portlab ketdi. Bu haqda 14-yanvar kuni Facebook’dagi “Voditeli Tashkenta” guruhi a’zolari xabar qilgan.

Keltirilgan suratlarda Nexia portlash oqibatida ayanchli ahvolga kelib qolgani ko‘rinib turadi. Shuningdek, atrofdagi devorlarga ham zarar yetgan. Qurbonlar yo‘qligi ma’lum qilingan, biroq jarohatlanganlar bor yoki yo‘qligiga aniqlik kiritilmagan.

Fotosuratlar ostiga izoh qoldirgan guruh a’zolari portlash sifatsiz gaz uskunasi o‘rnatilgani tufayli sodir bo‘lganini taxmin qilgan. Hodisa aynan qachon bo‘lgani haqida ma’lumot yo‘q, rasmiy ma’lumot ham yo‘q.