Toshkent viloyatida viloyat sanoat salohiyatini oshirish bo‘yicha 2013—2015-yillarga mo‘ljallangan dastur doirasida 2,3 milliard dollarlik loyihalar amalga oshiriladi, deya xabar bermoqda UzDaily.
Dastlab, ushbu hujjatga muvofiq umumiy qiymati 2,2 milliard dollarga teng 302 ta investitsiyaviy loyihalarni amalga oshirish rejalashtirilgan edi. Biroq investorlar, ayniqsa, xorijiy sarmoyadorlar bilan olib borilgan faol ishlar, ular tomonidan taqdim etilgan imtiyozlar mahalliy mahsulot ishlab chiqaruvchilarga kuchli turtki berdi, natijada amalga oshiriladigan loyihalar soni 356 taga yetkazildi, ularning narxi 2,3 milliard dollardan oshadi.
Toshkent viloyat hokimligi iqtisodiyot bosh boshqarmasi bo‘lim boshlig‘i Laziz A’zamxo‘jayev so‘zlariga ko‘ra, 2,3 milliard dollar miqdoridagi investitsiyalarni, jumladan 691,5 million to‘g‘ridan-to‘g‘ri xorijiy investitsiyalarni jalb etish orqali 2015-yilda sanoat mahsulotlari ishlab chiqarish hajmini 2012-yilga nisbatan 124,3 foizga yetkazish ko‘zda tutilgan.
Izoh (0)