Google o‘zining Android-qurilmalar uchun mo‘ljallangan Google Translate dasturida sinxron tarjima funksiyasini taqdim etishga tayyorgarlik ko‘rmoqda, deb yozadi The New York Times. Yangilanma tez orada Google Play’da paydo bo‘lishi kutilmoqda.
Dastur bir nechta tildagi og‘zaki nutqni tanib, tarjimani yozma shaklda bajaradi. Bunday funksiya Google Translate’da allaqachon mavjud, biroq bu safar tarjima hech qanday sustkashliklarsiz amalga oshirilishi kutilmoqda.
O‘tgan yilning dekabrida Microsoft Skype Translator uchun shunga o‘xshash funksiyani sinov rejimida taqdim etdi. U ovozli qo‘ng‘iroqlar chog‘ida hozircha ikkita — ispan va ingliz tillarida sinxron tarjimani bajaradi.
Izoh (0)