O‘zbekiston Yevrosiyo iqtisodiy hamjamiyati doirasidagi bitimni bekor qildi

O‘zbekiston Yevrosiyo iqtisodiy hamjamiyati doirasida jinoiy jazolar ijrosi sohasidagi hamkorlik to‘g‘risidagi bitimni denonsatsiya (bekor) qildi, deb xabar bermoqda UzDaily.

O‘zbekiston Prezidenti Islom Karimov “Xalqaro shartnomani denonsatsiya qilish to‘g‘risida”gi qarorni 2014-yil 13-dekabr kuni imzoladi. Prezident Tashqi ishlar vazirligiga O‘zbekiston ushbu xalqaro shartnomani denonsatsiya qilgani to‘g‘risida depozitariyga bildirishnoma jo‘natishni topshirdi.

Eslatib o‘tamiz, Yevrosiyo iqtisodiy hamjamiyati doirasida jinoiy jazolar ijrosi sohasidagi hamkorlik to‘g‘risidagi bitim 2006-yil 30-iyun kuni Belarus poytaxti Minsk shahrida imzolangan.