O‘zbek futbolidagi kelishilgan o‘yinlardan OFK ham xabardorligi ma’lum qilindi

Futbol bo‘yicha O‘zbekiston Oliy ligasining 2015-yilgi mavsumiga qur’a tashlash marosimida OAV xodimlari ishtirok etmadi, deb xabar bermoqda “Stadion.uz”.

“Arena.uz”ning ma’lum qilishicha, kelasi yil o‘zbek futbolida faoliyat ko‘rsatayotgan barcha mutaxassis, murabbiydan tortib, futbolchigacha o‘yin oldi-sotdisida ishtirok etmayman deya, maxsus deklaratsiyaga imzo qo‘yadi. Deklaratsiyaning bir nusxasi klubda, ikkinchisi, PFLda, uchinchisi xalqaro Interpol tashkilotida saqlanar ekan.

Qayd etilishicha, o‘zbek futbolida oldi-sotdilarga aralashayotgan insonlarning ism-sharifi OFKga ma’lum ekan. Agar mutasaddilarimiz bunga qarshi keskin kurash olib borishmasa, OFKning o‘zi ishga aralashib, vaziyatni o‘nglashga harakat qilishi aytilgan.