Og‘ir atletika bo‘yicha Jahon chempionatida qatnashgan uch nafar o‘zbekistonlik sportchida doping aniqlandi

8−16-noyabr kunlari Qozog‘istonning Olma-ota shahrida o‘tkazilgan jahon chempionati biz uchun bir muncha omadli o‘tdi. Jahonning mashhur agentliklari Associated Press va Insidethegames’ning xabar berishicha, 8 nafar sportchi topshirgan doping testi ijobiy natija ko‘rsatgan. Bu haqda “Stadion.uz” ma’lum qildi.

E’tiborlisi, ushbu sportchilar orasida 3 nafaro‘zbekistonlik sportchining nomlari qayd etilgan. Bular: Mahliyo Tog‘ayeva (-48 kg, 5-o‘rin), Marina Sisoyeva (-53 kg, 4-o‘rin) va Manzura Mamasoliyeva (-69 kg, 9-o‘rin). Aytilishicha, ular topshirgan qon tarkibida “B” probasidagi klenbuterol moddasi topilgan. Hozirda xalqaro og‘ir atletika federatsiyasining qarori bo‘yicha ma’lumotlar yo‘q.

Shuningdek, jahon chempionatining sovrindorlari Kim Un Chju (KXDR, ayollar -75 kg, metiltestosteron va metandriol), Daniel Godeli (Albaniya, erkaklar -77 kg, stanozolol), Xva Ri Chjon (KXDR, ayollar -58 kg, klenbuterol) hamda yana ikki nafar sovrindor bo‘lolmagan albaniyalik sportchilarda ham test ijobiy natija ko‘rsatgan.