LG AKA smartfonlaridan foydalanib san’at ko‘rgazmasi tashkil etdi (foto)

LG kompaniyasi yaqindagina AKA smartfonlarini taqdim etgan edi. Ular to‘rt xil bo‘lib, har birining ichida elektron qahramoni mavjud. LG esa smartfonlarning ushbu kreativ jihatidan foydalanib san’at ko‘rgazmasi tashkil etdi. Bu haqda Phonearena.com sayti xabar berdi, deb yozadi “Parol” nashri.

Ko‘rgazmada Janubiy Koreyaning bir qancha rassom, haykaltaroshlari LG AKA smartfoni yordamida san’at asarlarini namoyish qilishdi.

Quyida LG AKA smartfonlarining elektron mavjudotlari bilan tanishishingiz mumkin:

• Sariq telefon — nomi Eggy, uning qahramoni tez sevib qoladi;
• Oq telefon — nomi Wooky, uning qahramoni jargonda gaplashadi;
• Ko‘k telefon — nomi Soul, uning qahramoni musiqani sevadi;
• Pushti telefon — nomi YoYo, LG’ning Aka smartfonlari orasidagi yagona qizlar uchun mo‘ljallangan qahramonga ega gadjet hisoblanadi. Uning qahramoni ko‘p gamburger yeydi va Coca-Cola ichadi. Shu bois semirib ketgan.

Ushbu smartfonlarda 5 dyuymli displey, 1,2 GGs chastotaga ega to‘rt yadroli protsessor, 1,5 Gb tezkor va 16 Gb ichki xotira, 2610 mA·soat quvvatga ega batareya o‘rnatilgan. Ular LTE modulida ishlaydi va taxminan 456 dollardan sotiladi.

Shuningdek, “Parol” nashrida quyidagi maqolalarni ham o‘qishingiz mumkin:

• 2014-yilning eng yaxshi mobil o‘yinlari reytingi e’lon qilindi;
• Samsung kompaniyasi uchta displeyli Galaxy S6 smartfonini taqdim etishi kutilmoqda;
• LG kompaniyasi 2015-yilda yangi avlod televizorlarini taqdim etadi va sota boshlaydi.