Ukraina prezidenti Pyotr Poroshenko Fransiya prezidenti Fransua Olland, Germaniya federal kansleri Angela Merkel va Rossiya prezidenti Vladimir Putin bilan telefonda suhbatlashdi, deya xabar bermoqda “Segodnya.ua”.
“Suhbatdoshlar Donbassdagi vaziyatni hamda 5-sentabrdagi Minsk Protokoli va 19-sentabrdagi Minsk Memorandumi ijrosi holatini muhokama qildi. Poroshenko, Olland, Merkel va Putin Donbassdagi nizolarni tinch yo‘l bilan hal qilish uchun ushbu bitimlarning barcha punktlariga rioya qilinishi zarurligi haqida kelishib oldi”, — deyiladi Ukraina prezidenti rasmiy saytida.
Bundan tashqari, tomonlar hafta oxirigacha Minsk kelishuvlari ijrosi bo‘yicha progressni ta’minlash uchun Uch tomonlama kontakt guruhi uchrashuvini o‘tkazish yuzasidan fikr bildirdi.
Izoh (0)