Buyuk Britaniyada ilk ayol yepiskop tayinlandi

Anglikan cherkovi Buyuk Britaniya tarixida ilk bor ayol yepiskopni tayinladi, deya xabar bermoqda “Kun” The Telegraph axborotiga tayanib.

Ikki bolaning onasi bo‘lgan 48 yoshli Libbi Leyn Britaniya tarixidagi ilk ayol yepiskopga aylandi.

Qayd etilishicha, 20 yil avval Leyn rohib vazifasini bajarish huquqini qo‘lga kiritgan dastlabki ingliz ayollaridan biri bo‘lgan.

“Ushbu tarixiy kunda Anglikan cherkovi ayol kishini yepiskop lavozimiga tayinladi. Bu lahzalarni yillab kutgan insonlardan minnatdorman”, — dedi Leyn.

Avvalroq, Anglikan cherkovi ayollarning yepiskop etib tayinlanishi uchun ovoz bergandi. Rus pravoslav cherkovi esa ushbu qarorga salbiy munosabat bildirgandi.