Bugungi taomnomada — yunoncha salat
Ushbu salatni tayyorlash uchun taxminan 20 daqiqa vaqt va 18 800 so‘m talab etiladi.
Zarur masalliqlar:
- 200 g bulg‘or qalampiri
- 200 g pomidor
- 100 g qizil piyoz
- 200 g bodring
- 120 g fetaksa pishlog‘i
- 50 g marinadlangan zaytun mevasi
- 1 bog‘ salat bargi
- 1—2 bo‘lak sarimsoq piyoz (taxminan 10 g)
- 50 g zaytun yog‘i
- tuz
- murch
- limon sharbati
Tayyorlanishi:
1. 200 grammdan bulg‘or qalampiri, pomidor va bodringni yirik kubik shaklida to‘g‘raymiz.
2. 100 g piyozni halqa qilib to‘grab olamiz.
3. So‘ng 120 g fetaksa pishlog‘ini yirik kubik ko‘rinishida to‘g‘raymiz.
4. 50 g zaytun mevalarini ko‘ndalangiga ikkiga bo‘lib chiqamiz. Salat bargini yirik bo‘laklarga bo‘lamiz.
5. To‘g‘ralgan mahsulotlarni katta idishga solamiz.
6. Ustidan 50 g zaytun yog‘ini quyamiz. So‘ng mayda to‘g‘ralgan 1—2 bo‘lak sarimsoq piyoz, ta’bga ko‘ra tuz, murch va limon sharbati qo‘shamiz.
7. Masalliqlarni aralashtirib, tayyor salatni likopchaga solamiz va o‘z fantaziyamizga ko‘ra bezatamiz.
Salatimiz tayyor. Yoqimli ishtaha!
Ushbu salatni tayyorlashda foydalanilgan mahsulotlarni Korzinka.uz supermarketlaridan xarid qilishingiz mumkin.
Ularning narxlari bilan quyidagi jadvalda tanishishingiz mumkin. Narxlar 8-dekabr holatiga keltirilgan.
Rukn homiysi — Korzinka.uz supermarketlar tarmog‘i.
Taomni tayyorlashda bergan ko‘magi uchun Toshkentdagi Oshxona.uz restorani va shaxsan bosh oshpaz Bahriddin Chustiyga minnatdorchilik bildiramiz.
Ruknimizning keyingi sonlarida “Toshkent” salati, chizkeyk va olmali shtrudel tayyorlaymiz hamda ular bilan Yangi yil dasturxonini bezatamiz.
Izoh (0)