Buyuk Britaniyada yashovchi 21 yoshli Stefani Mariam ismli qiz o‘z itlariga ikki ming funtlik (taxminan 3 ming dollar) Yangi yil sovg‘alarini xarid qildi. Bu haqda The Daily Mirror xabar bermoqda.
Xarvi Mun va Konni laqabli shpits zotidagi kuchuklar “Svarovski” kristallari bilan bezatilgan bo‘yinbog‘lar, shohona karavotchalar, shuningdek kiyim-kechak, o‘yinchoqlar va boshqa aksessuarlarga ega bo‘ldi.
Stefanining aytishicha, u jonivorlarni sovg‘alar bilan siylashga qodir bo‘lish uchun o‘ziga juda kam pul sarflaydi.
Nashrning ta’kidlashicha, avvalroq qiz o‘z itlari uchun ziyofat uyushtirib, bunga 16 ming dollarga yaqin mablag‘ ketkazgan.
Stefani Mariam raqs bo‘yicha murabbiy bo‘lib ishlaydi. U ota-onasi bilan yashab, o‘z xobbisi uchun ularning ko‘magidan foydalanadi.
Izoh (0)