Skype asoschilaridan biri Android, iOS va Mac kompyuterlari uchun yangi messenjer dasturini ishga tushirdi

Skype asoschilaridan biri Yanus Friis va MSN Messenger’ini ishlab chiqishda ishtirok etgan Jonatan Kristensen birgalikda Wire deb nomlanagan yangi lahzalik xabar almashish messenjerini taqdim etishdi. Bu haqda TechCrunch xabar berdi, deb yozadi “Parol” nashri.

Ushbu dastur Android, iOS va Mac kompyuterlari uchun mo‘ljallangan. Uni ishlab chiqishda Apple, Skype, Nokia va Microsoft mutaxassislari ishtirok etgan. Dastur saytida yozilishicha, tez orada boshqa kompyuterlar uchun ham Wire’ning veb-versiyasi taqdim etiladi.

“Skype bundan o‘n yil oldin taqdim etilgan, undan xabar almashish, bepul qo‘ng‘iroqlar uchun foydalandik. Skype’da bir qancha o‘zgarishlar amalga oshirildi. Hozirda kompyuterni cho‘ntagimizda olib yurishimiz ham mumkin. Hozir esa eng yaxshi xabar almashish vositasini ishlab chiqishning ayni payti, u ham chiroyli, ham foydali bo‘lishi zarur. Wire messenjeri esa aynan shuning o‘zi” — deydi loyiha asoschisi Yanus Friis.

Wire lahzalik xabar almashish messenjeri bepul bo‘lib, uni Google Play va iTunes onlayn do‘konlaridan yuklab olsangiz bo‘ladi.

Shuningdek, “Parol” nashrida quyidagi maqolalarni ham o‘qishingiz mumkin:

• Dam olish kunlari 2000 dan ortiq NoPhone gadeti buyurtma qilindi;
• O‘n ikkita foydali sayt.