Rossiya Federatsiyasi tarkibidagi Ingushetiya Respublikasi hukumati yo‘l harakati qoidalarini buzgan haydovchilarga ommaviy ravishda tanbeh bermoqchi, deb xabar beradi “Kun” “Gazeta.ru” ma’lumotiga tayanib.

Ingushetiya hukumati o‘lim bilan yakunlangan yo‘l-transport hodisasiga sababchi bo‘lgan va mast holatda avtomobil haydaganlikda ayblangan haydovchilarnining suratlarini televideniye orqali efirga uzatishni mo‘ljallamoqda.

“Transport vositasini mast holatda boshqargan barcha kimsalarning suratini televideniye orqali namoyish qilish, shuningdek, ular haqida gapirish kerak. Bu kimsalarning hayotda o‘zlarini qanday tutayotganliklarini respublikaning barcha aholisi bilsin”, — deb xabar beradi respublika rahbari matbuot-xizmati.

Mazkur tashabbus respublika rahbari Yunusbek Yevkurovga tegishli bo‘lib, u televideniyeda bunday qonunbuzarlar haqida muntazam ravishda berib boriladigan maxsus ko‘rsatuv tayyorlashni taklif etdi.