“Nasaf” PFK matbuot xizmati rahbari Aziz Nuriyning bergan ma’lumotlariga qaraganda “Nasaf” jamoasi bosh murabbiyi Ro‘ziqul Berdiyev kuni kecha Sankt-Peterburgda Yevropa chempionlar ligasidan o‘rin olgan “Zenit” va “Benfika” klublari o‘rtasidagi uchrashuvni bevosita stadionda tomosha qilgan, deb xabar beradi “Voha.uz”.
Ma’lum bo‘lishicha, Ro‘ziqul Berdiyev faqatgina shu maqsadda u yerga tashrif buyurmagan. Ushbu mutaxassisning xizmat safari dasturida “Zenit” klubining murabbiylar shtabi ish faoliyati, klub infratuzilmasi, futbol akademiyasi faoliyati bilan tanishish va boshqa masalalar o‘rin olgan.
Ro‘ziqul Berdiyevning xizmat safari 30-noyabr kuni o‘z nihoyasiga yetadi va u O‘zbekistonga qaytib keladi.
Izoh (0)