O‘zbekiston terma jamoasi sardori Server Jeparov Koreyaning “Seongnam” klubini tark etadi

Janubiy Koreyaning “Seongnam” klubi ijrochi direktori Shin mahalliy matbuotga bergan intervyusida Server Jeparov bilan shartnoma uzaytirilmasligini ta’kidlab o‘tdi. Bu haqda Korea Football News’ning tvitteriga tayanib, “Stadion.uz” xabar bermoqda.

Demak, O‘zbekiston milliy terma jamoasi sardori navbatdagi mavsumni boshqa jamoada boshlashi aniq.

Ma’lumot o‘rnida, seongnamliklar yil davomida Jeparovning katta maosh olishiga ishora qilib, uning o‘yini maoshiga mos emasligi borasida tinimsiz tanqidlar yog‘dirgan edi.