Rossiyaning Sankt-Peterburg shahridagi uylardan birida 22-noyabr kuni o‘quvchi bola va uning ota-onasiga tegishli jasadlar topildi, deya xabar bermoqda “Vesti.ru”. Ushbu fakt bo‘yicha “Qotillik” moddasi bilan jinoiy ish qo‘zg‘atildi.
Dastlabki ma’lumotlarga ko‘ra, oila noma’lum moddadan zaharlanish natijasida nobud bo‘lgan. LifeNews xabar berishicha, ular qo‘ziqorindan zaharlangan bo‘lishi mumkin, shuningdek gazdan zaharlanish versiyasi ham istisno qilinmayapti.
Tergovchilar uydan topilgan oziq-ovqatlarning barchasini musodara qilib, ularning tarkibini o‘rganmoqda. Ba’zi ma’lumotlarga qaraganda, oilaning a’zolari o‘limdan oldin ko‘ngli aynib qayt qilgan.
O‘z qarindoshlarining o‘limi haqida oilaning katta farzandi politsiyaga xabar bergan. 18 yoshli yigit bir kun avval kechki paytda do‘stlari bilan uchrashish uchun ko‘chaga chiqib ketib, tongda qaytgan va jasadlarni ko‘rib qolgan.
Izoh (0)