O‘zbekiston Markaziy banki 25-noyabrdan boshlab xorijiy valyutalarning so‘mga nisbatan yangi qiymatlarini belgiladi, deb xabar bermoqda “Kun”.
Unga ko‘ra, dollar kursi o‘tgan haftadagi ko‘rsatkich (2396 so‘m 78 tiyin)ga nisbatan 4,3 so‘mga qimmatlashib, 2401 so‘m 9 tiyinni tashkil etmoqda.
“Gazeta.uz”ning qayd etishicha, yil boshidan (2202,2 so‘m bo‘lganidan) beri AQSh dollari O‘zbekiston milliy valyutasiga nisbatan qariyb 200 so‘m yoki 9 foizga qimmatlashdi. Butun bir 2013-yil davomida dollar so‘mga nisbatan 10,91 foiz qimmatlashgan edi.
25-noyabrdan 1 yevroning qiymati 2993 so‘m 27 tiyin (12,71 tiyinga arzonlashgan), Rossiya rubli esa 52 so‘m 43 tiyin (1,86 tiyinga qimmatlashgan) etib belgilangan.