Kataloniya rahbariga mustaqillik to‘g‘risidagi so‘rov tufayli ayblov qo‘yiladi. Prokuratura kollegiyasi mamlakat bosh prokurori qarorini qo‘llab-quvvatladi, deya xabar bermoqda “Segodnya.ua”.
Mintaqa rahbari Artur Mas, Kataloniya hukumati raisi o‘rinbosari va ta’lim departamenti rahbariga nisbatan Oliy sud qaroriga bo‘ysunmaslik ayblovini surish rejalashtirilmoqda.
Eslatib o‘tamiz, so‘rovnomaga ikki savol qo‘yilgandi: “Kataloniya davlat bo‘lishini xohlaysizmi?” va, agar so‘rovnomada ishtirok etuvchi ijobiy javob bersa, ikkinchi savol: “Ushbu davlat mustaqil bo‘lishini xohlaysizmi?”. Har ikkala savolga ham faqat “Ha” yoki “Yo‘q” deb javob berish mumkin edi.
So‘rovnomada ishtirok etganlarning 80 foizi har ikkala savolga ham ijobiy javob bergan edi. 10 foiz ishtirokchi “Ha – Yo‘q” ketma-ketligida javob bergan bo‘lsa, viloyatning 4,5 foiz aholisi Kataloniyaning alohida davlat bo‘lishiga qarshi chiqqan edi.
Kataloniya rahbari Artur Mas ikki millionga yaqin odam ishtirok etgan ushbu so‘rovnomani muvaffaqiyatli deb atadi. U Ispaniya bosh vaziri Mariano Rahoydan rasmiy referendum o‘tkazilishiga ruxsat berishni talab qildi.
Izoh (0)