Oq uy yaqinida avtomobilidan qurol topilgan shaxs qo‘lga olindi

Prezident xavfsizligiga javobgar AQSh Maxfiy Xizmati Oq uy yaqinida avtomobilidan qurol va o‘q-dorilar topilgan ayovalik erkakni qo‘lga oldi, deb xabar bermoqda “Interfaks”.

Ayova shtatining Devenport shahrida yashovchi 41 yoshli Rene Kapxeym 20-noyabr kuni Vashingtondagi I-strit va 15-ko‘chalar kesishuvida Maxfiy xizmat xodimlariga murojaat qilgan. U kimdir Oq uyga borishini aytganidan keyin Vashingtonga yo‘l olganini ma’lum qilgan.

Soqchilar uning avtomobilini tekshirib ko‘rishga qaror qilgan. Kapxeym tekshiruvga rozi bo‘lgan. Maxfiy xizmat xodimlari mashina ichidan qurol va o‘q-dorilarni topgan. Kapxeym qo‘lga olingan, avtomobil ham hibsda saqlanish uchun olingan. Kapxeym qurolni noqonuniy saqlashda ayblanmoqda.