Facebook alohida Groups mobil dasturini taqdim etdi

Facebook ijtimoiy tarmog‘idagi guruhlar uchun mo‘ljallangan alohida Groups mobil dasturi ishga tushirildi. Bu haqda Phonearena.com ma’lumotiga asoslanib “Parol” nashri xabar berdi.

Ushbu dastur tarmoqda guruhlar yaratish va yaratilgan guruhlarni oson hamda qulay boshqarish uchun ishlab chiqildi. Unda tezkor surat, video, post bo‘lishish, guruh yangiliklaridan xabardor bo‘lib turish mumkin.

Eslatib o‘tamiz, Facebook joriy yilning boshida Messenger — alohida xabar almashish dasturini ishga tushirgan edi. Avvaliga ayrim foydalanuvchilarga yoqmagan ushbu loyiha hozirda ko‘pchilikka yoqmoqda.

Facebook’ning Groups dasturi Android va iOS qurilmalari uchun mo‘jallangan, uni Google Play yoki App Store’dan bepul yuklab olsangiz bo‘ladi.

Shuningdek, “Parol” nashrida quyidagi maqolalarni ham o‘qishingiz mumkin:

• Deyarli barcha sharoiti mavjud kichik hajmdagi uy (foto);
• Beeline va Charos mehmonxonasi Facebook’da tanlov o‘tkazmoqda.