AQShda 50-qavatdan tushib ketgan o‘lchov asbobi qurilish maydonidagi ishchining o‘limiga sababchi bo‘ldi

AQShning Nyu-Jersi shtati Jersi shahridagi qurilish maydonida 50-qavatdan tushib ketgan ruletka (o‘raladigan tasma shaklidagi masofa o‘lchash asbobi) ishchilardan birining o‘limiga sabab bo‘ldi, deya xabar bermoqda Associated Press. Politsiya xodimlari so‘zlariga ko‘ra, hodisa chog‘ida jabrlanuvchi boshida kaska bo‘lmagan.

Fojia 3-noyabr kuni Jersi-Siti markazidagi qurilish maydonida yuz bergan. Yarim kilogrammlik ruletka 50-qavatda bo‘lgan ishchining kamaridan tushib ketgan. U yerdan taxminan 5 metr balandlikdagi qurilish texnikasiga tegib, sapchib 58 yoshli Garri Andersonning boshiga borib tekkan.

Jabrlanuvchini bosh shikaslanishi bilan shifoxonaga yotqizishdi, biroq hodisadan bir soat o‘tib, u kasalxonada vafot etdi.