KXDRda ayni paytda Facebook va Twitter ijtimoiy tarmoqlari yopib qo‘yildi, deya xabar bermoqda “TASS”. Nima sababdan bunga qaror qilingani, shuningdek, bunday chora vaqtinchalik yoki doimiy ekanligi haqida xabar berilmayapti.
Ushbu servislardan Pxenyandagi diplomatik missiyalar va xalqaro gumanitar tashkilotlar xodimlari foydalangan. Shimoliy koreyalik oddiy fuqarolar internetga kirish imkoniyatiga ega emas. Ular uchun KXDRda “Kvanmyon” ichki tarmog‘ ishlaydi, u Koreya Mehnat partiyasi va mamlakat rahbarlari faoliyatini yoritish hamda ilmiy-texnik muvaffaqiyatlarni targ‘ib qilish bilan shug‘ullanadi.
Ta’kidlash joiz, sentabrda KXDR hukumati mamlakatda faoliyat yuritayotgan xorijiy vakolatxonalarga Wi-Fi texnologiyasidan foydalanishni taqiqlab qo‘ygan edi.
Izoh (0)