Hindistonning Uttar-Pradesh shtatida ta’lim dasturi doirasida hukumat tomonidan noutbuk bilan mukofotlangan maktab o‘quvchilari ularni sota boshlagan, deb xabar bermoqda “RIA Novosti”.
Shtat hukumati 2012-yildan 10—12-sinflarda ta’lim darajasini oshirish maqsadida “bepul noutbuk” kampaniyasini boshladi, biroq o‘quvchilar ulardan foydalanishga shoshilmadi.
Noutbukka ega bo‘lgach, o‘quvchilar uni internetdagi marketing portallari orqali sotgan va shu tariqa oson yo‘l bilan “pul ishlab topgan”. “Davlat” noutbuklarini sotib olish istagi bildirilgan e’lonlar ham ko‘payib ketgan.
Xususiy kollej o‘qituvchisi bunday noutbukni 230 dollarga sotib yuborgach, haqiqat yuzaga chiqdi. Uning aytishicha, qurilmani o‘quvchilaridan birining ota-onasidan olgan. O‘qituvchi qashshoqlik tufayli bunday ishga qo‘l urganini aytgan.
Kampaniya boshidan buyon hukumat 24 mingdan ortiq o‘quvchini noutbuklar bilan ta’minladi. Biroq o‘quvchilarning ularni sotib yuborgani haqida eshitib, hukumat ranjidi. Matematika o‘qituvchisiga nisbatan tegishli choralar ko‘rilishi ma’lum qilindi.
Izoh (0)