Italiya Oliy sudi dizaynerlar Domeniko Dolche va Stefano Gabbanani soliq to‘lamaganlik ayblovi bo‘yicha oqladi, deb xabar bermoqda “TASS”.
Dizaynerlar 2010-yildan beri asl daromadlarini bekitganlikda va soliqlarni to‘lamaganlikda ayblanib kelar edilar. Italiya prokuraturasi Dolche va Gabbana soliq organlaridan 1 milliard yevro miqdoridagi daromadni bekitganligini ma’lum qilgan edi. Modalar uyi kirimlari yengillashtirilgan soliq tizimiga ega bo‘lgan Lyuksemburgda ro‘yxatdan o‘tgan “Gado” belgisining sho‘ba korxonasiga tushgan.
2014-yilning aprel oyida apellyatsiya sudi dizaynerlarni 18 oylik shartli muddatga qamoq jazosiga hukm qilgan edi.
Domeniko Dolche va Stefano Gabbana modellik biznesida moliyaviy ayblovga uchragan birinchi yulduzlar emas. 2009-yilda dizayner Valentino Garvani davlat xazinasiga 33 million yevro to‘lamaganligi uchun jarimaga tortilgan edi.
Izoh (0)