Abituriyentlar va ularning ota-onalari xohish-istaklarini inobatga olgan holda Toshkentdagi Inha universiteti tayyorlov kurslariga ro‘yxatdan o‘tish muddatini 2014-yil 30-oktabrgacha uzaytirdi. Bu haqda universitet matbuot xizmati xabar bermoqda.
Avvalroq kurslarda o‘qimoqchi bo‘lganlar 27-oktabrgacha ro‘yxatdan o‘tishi mumkinligi xabar berilgan edi.
Kurs ta’lim dasturidan matematika, fizika (majburiy kurslar), ingliz va koreys tillari (tanlab olinadi) o‘rin olgan.
Kurs yakunida talabalar sertifikatga ega bo‘ladi. Yakuniy test natijalariga ko‘ra matematika va fizikadan 60 va undan yuqori ball to‘plaganlar kirish imtihonlaridan ozod etiladi.
Ingliz tilidan 60 balldan yuqori olgan talabalar universitetga kirishda IELTS yoki TOEFL bo‘yicha imtihon topshirishi shart bo‘lmaydi. Yakuniy testlar Inha universiteti tomonidan nazorat qilinadi.
Kurslarda matematika va fizika bo‘yicha eng yuqori ball to‘plaganlar kurs narxining faqat 50 foizini to‘lashi mumkin bo‘ladi.
Shuningdek kirish imtihonlarida matematika va fizika bo‘yicha eng yuqori ball yig‘gan abituriyentlar ingliz tili kursini to‘lashdan ozod etiladi.
Yil yakunida matematika va fizika fanlari bo‘yicha imtihonda eng yaxshi 5 nafar eng yaxshi abituriyent tanlab olinib, Inha universitetiga kirgan taqdirda 1 yilga grant bilan taqdirlanadi.
Izoh (0)