Yaqin uch yil ichida Xitoy Tojikistonga 6 milliard dollarga yaqin sarmoya kiritmoqchi, deya xabar qilmoqda “Vedomosti” mamlakat moliya vaziri birinchi o‘rinbosari Jamoliddin Nuraliyevga tayanib.
Uning aytishicha, Tojikistonda Rossiya iqtisodiyotidagi vaziyatning yomonlashgani sezilmoqda. Shu sababli mamlakat Xitoy investitsiyalarini jalb qilish uchun faol harakat qilmoqda.
Xitoy investitsiyalari gaz quvurlari, temir yo‘llar va sement zavodlari qurishga sarflanadi.
Tojikiston hukumati ma’lumotlariga ko‘ra, Rossiyada mamlakatning bir millionga yaqin fuqarosi ishlaydi, bu mehnatga layoqatli yoshdagi erkak fuqarolarning deyarli yarmi demakdir. Ularning Tojikistonga pul jo‘natmalari yilning birinchi choragidan boshlab kamaydi. Yozdan buyon esa yana 20 foizga tushib ketdi.
Izoh (0)