Ukraina Tashqi ishlar vazirligi Rossiya xaritasi o‘rniga sobiq SSSR hududini ko‘rsatdi

Ukraina Tashqi ishlar vazirligining Twitter’dagi rasmiy sahifasida Rossiya Federatsiyasi xaritasi deb berilgan suratda Yevropa Ittifoqining uch davlati, bir necha Osiyo davlatlari, shuningdek Ukrainaning bir qismi ham Rossiya tarkibida qilib ko‘rsatilgan, deb xabar bermoqda NewsBalt.

Ukraina Tashqi ishlar vazirligi Twitter’da Rossiya va Germaniyadan yuborilgan gumanitar konvoylar taqqoslangan infografika chop etdi. Jadval ingliz tilida tuzilganiga e’tibor qaratilsa, uning g‘arbliklar uchun mo‘ljallanganini anglash mumkin.

Aid convoys from Russia and Germany pic.twitter.com/5AC8FWN7XI

— MFA of Ukraine 🇺🇦 (@MFA_Ukraine) October 17, 2014

Berilgan xaritada Rossiya sobiq SSSR hududlarida tasvirlanganini payqash mumkin. Unda Markaziy Osiyodagi besh mamlakat, Janubiy Kavkazning uch davlati, Boltiqbo‘yi mamlakatlari, Belorussiya, shuningdek Ukrainaning yarmi Rossiya hududlari sifatida ko‘rsatilgan. Ukrainaning ikkinchi yarmi esa “Gumanitar yordam” so‘zlari ostida qolib ketgan.