LG ning 4K Ultra HD televizorlari sakkiz million pikseldan ham ortiq, bu esa odatdagi HD nikidan to‘rt marotaba katta deganidir. Hozirgi kunda ularning birtalay modellari ishlangan va savdoga chiqarilgan. Ayniqsa, IFA-2014 ko‘rgazmasida namoyish etilgan modellar ushbu texnologiyaning butun afzalliklarini yorqin ko‘rsatib berdi.
Agar ekran o‘lchamlari avval 55 dyuymdan to butun devorni qoplaguncha bo‘lgan bo‘lsa, endilikda 4K Ultra HD televizorlari kichik diagonallarda ham taqdim etilmoqda. Lekin IFA-2014 ko‘rgazmasida uy sharoitida tasvirni bemalol qabul qilish uchun 80 dyuymlidan ortiq displeyli modellar namoyish etilgan.
Ko‘pchilik tahlilchilar LG 4K Ultra HD televizorlarining keng tarqalishi, asosan, narx siyosatiga va foydali dasturlarning yanada keng diapazoniga bog‘liq bo‘ladi, degan fikrga qo‘shiladi. Shu yil bo‘lib o‘tgan IFA ko‘rgazmasida LG kompaniyasi 4K Ultra HD Smart TV ning smartfonlar bilan Android platformasidagi aloqasini alohida ta’kidlab o‘tdi. Zero, bu platforma foydalanuvchilarga o‘z smartfonlari yordamida kontentni boshqarish imkonini beradi. Shuningdek, LG televizorlari webOS platformasida ham o‘z ustunliklari bilan farqlanib turadi.
OLED
Egiluvchan materiallardan tayyorlangan OLED ekranlari televizorlarga biroz egiklik beradi, bu esa ko‘rayotgan narsangizdan yanada kuchliroq ta’sirlanishga olib keladi. Tomoshabinlar televizor shaklini o‘zgartirishni istasa, masofadan boshqaruv pultidagi tugmachani shunchaki bosish orqali topshiriq berib, televizor ekranini bemalol an’anaviy yassi shaklga o‘tkazib olishi ham mumkin. Shuningdek, OLED ekranlari nafaqat “tig‘dek yupqa”, balki an’anaviy diod yoritgichli ekranlardan ancha-muncha o‘zib ketuvchi sifatli tasvirga ham egadir.
LG’ning firma texnologiyasi WRGB OLED Color Refiner texnologiyasi tufayli nihoyatda keng ko‘rish burchagini ta’minlar ekan, to‘rt rangli piksellar yordamida yanada tiniq va yorqin ranglarni aks ettiradi.
Shu yilning boshidagi CES-2014 ko‘rgazmasida LG o‘z Ultra HD (4K) egiluvchan OLED televizorlarining assortimentlarini kengaytirdi: avval taqdim etilgan 77 dyuymli modellar qatoriga 55 dyuymli va 65 dyuymli modellar qo‘shildi. Bu novatorlik mahsulotlari keyinchalik OLED va 4K afzalliklarini birlashtirishga, iste’molchilarga har ikki olamning eng yaxshilarini yetkazishga harakat qiladi. Aynan shuning uchun ham ko‘pchilik tahlilchilar ularni o‘zida katta o‘lchamdagi ekranli OLED’ning nozik, qayrilgan karkasini va 4K televizorning jozibador yechimini birlashtirgan televizion texnologiya cho‘qqisi deb atamoqda.