Janubiy Koreyaning Incheon shahrida davom etayotgan 17-Osiyo o‘yinlarining sakkizinchi kungi musobaqalari o‘z yakuniga yetib borayotgan bir pallada O‘zbekiston terma jamoasi medallar jamg‘arish bo‘yicha umumjamoa hisobida 15-o‘ringa ko‘tarilib oldi, deb xabar bermoqda “Olamsport”.
Hozircha O‘zbekiston hisobida bitta oltin, to‘rtta kumush va sakkizta bronza — jami 13 ta Osiyo o‘yinlari medali bor. Xitoy terma jamoasining oltin medallari soni 95 taga yetgan. Shuningdek, ularda 53 ta kumush hamda 39 ta bronza medal ham bor. Umumiy medallari soni 187 tani tashkil etmoqda.
Ikkinchi o‘rinda borayotgan mezbonlar hisobida 117 ta medal mavjud. Shulardan 35 tasi oltin, 42 tasi kumush, 40 tasi bronza medaldir. Kuchli uchlikka 30 ta oltin, 43 ta kumush, 37 ta bronza medalga ega Yaponiya terma jamoasi yakun yasagan. Qozog‘iston terma jamoasi safidagi Osiyo o‘yinlari chempionlari soni to‘qqiz nafarga yetdi. Shuningdek, ularning hisobida 10 ta kumush, 17 ta bronza medal mavjud.
Bugungacha 20 ta davlat terma jamoalari kamida bitta oltin medalga ega bo‘lib ulgurdi. 30 ta davlat terma jamoalari g‘aznasida esa kamida bitta bronza medal bor.
Izoh (0)