Bugun, 26-sentabr kuni Moskvada MDH Iqtisodiy kengashining 63-majlisi bo‘lib o‘tadi, deya xabar bermoqda UzDaily.
Kun tartibidan MDH davlatlarining iqtisodiyot sohasidagi hamkorliklari masalalari o‘rin olgan. Shu jumladan, MDH davlatlarining atom energiyasidan tinch maqsadlarda foydalanish sohasidagi Yadro va radiatsiya xavfsizligi konsepsiyasi loyihasi, shuningdek MDHda mahsulotlarning ishlab chiqarilgan davlatlarini aniqlash qoidalari haqidagi bitimga o‘zgartirish kiritish to‘g‘risidagi bayonnoma muhokama etiladi.
Majlis davomida MDH davlatlarida bank boshqaruvi va nazorati sohasidagi tartibga solish rejimi, Hamdo‘stlik mamlakatlaridagi ishlab chiqaruvchilar tomonidan taklif etilayotgan raqobatbardosh mahsulotlarning jamlangan ro‘yxati haqidagi masalalar ham ko‘rib chiqiladi.
Bundan tashqari, majlis ishtirokchilari qator tashkilotchilik va byudjet-moliyaviy masalalarni muhokama qiladi.
Izoh (0)