O‘zbekistonda Motorola’ning Moto G smartfoni sotila boshladi. Ushbu qurilma bizning bozorda kamdan-kam uchraydi. Yaqingacha uni faqat buyurtma orqali xarid qilish mumkin edi, deb yozadi Mobinfo.uz.
Nashrning eslatishicha, Motorola Moto G 2013-yil noyabrida taqdim etilgan. Smartfon 4,5 dyuymli 1280×720 pikselli ekran, 4 yadroli Qualcomm Snapdragon 400 protsessori, 8 Gb ichki xotira va 5 megapikselli asosiy kameraga ega.
Telefon Android 4.3 boshqaruvida ishlaydi. Akkumulyator sig‘imi 2070 mAh bo‘lib, u smartfonning 24 soat davomida aralash rejimda ishlashini ta’minlaydi.
Moto G o‘lchamlari 129,9×65,9×11,6 mm, og‘irligi 143 grammga teng.
Poytaxtdagi “Fleshka” savdo majmuasida smartfon (8 Gb li xotira bilan) 680 ming so‘mga sotilmoqda.
Izoh (0)