Kiyevdagi “ultrao‘ng” harakatlar tarafdorlarining namoyishlari militsiya bilan to‘qnashuvlarga olib keldi. Euronews yozishicha, millatchilarning marshlari “Rus dunyosi” jamiyati a’zolarining aksiyalariga javoban uyushtirilgan. Ular Rossiya bilan birdamlikka chaqirib, “Kiyev xuntasi”ga qarshilik qilishni da’vat etgan.
Millatchilarning yetakchilaridan biri aytishicha, ayirmachilar Kiyev—Pechersk ibodatxonasi hududida Kiyev Xalq respublikasi tuzilganini e’lon qilmoqchi. Donetsklik yetakchilardan biri Kiyevda hukumatga qurolli qarshilik ko‘rsatish niyatini bildirgan. “Biz bu yerda qurolli qarshilikka yo‘l qo‘ymaymiz!” — deydi millatchilar.
Niqob kiygan yosh yigitlar Kiyev—Pechersk ibodatonasi yonidagi namoyishdan so‘ng Rossiya “Sberbank”i bo‘limiga futbol ishqibozlari ko‘magida hujum uyushtirishgan. Guvohlar so‘zlariga qaraganda, ular oynalarni sindirib, ichkariga portlovchi mushaklar irg‘itgan.
Izoh (0)