iPhone 5S 2014-yilning birinchi choragida eng ko‘p sotilgan smartfon bo‘ldi. Bu Handset Country Share Tracker tadqiqotlari natijasida aniqlandi, deya xabar berdi ushbu tadqiqotni o‘tkazgan IDC kompaniyasi sayti.
Berilgan davr yakunlariga ko‘ra iPhone 5S’ning jahon savdosidagi ulushi 9 foizni tashkil etgan. Avvallari Samsung smartfonlari doimiy ravishda eng ommabop bo‘lib kelgan. Biroq Galaxy S4 va Note 3 sotuvi shu darajada tushib ketdiki, ikkinchi o‘ringa Apple iPhone 4S chiqib oldi. Ushbu model “aqlli” telefonlar jahon bozorining 4 foizini egalladi.
Samsung kompaniyasi bitta — Galaxy lineykasiga tegishli smartfonlarni yetkazib berish bo‘yicha birinchi o‘rinni saqlab qoldi. Galaxy S4 va Note 3 savdosining tushib ketganini ushbu lineykadagi arzon modellarning rivojlanayotgan mamlakatlardagi savdosi ko‘tarilgani qoplab ketdi.
Izoh (0)