Osiyo-Tinch okeani mintaqasi (OTM) (Yaponiyani hisobga olmaganda) joriy yildayoq farovonlik bo‘yicha G‘arbiy Yevropani ortda qoldiradi. Yana to‘rt yildan so‘ng esa eng boy mintaqa sifatida Shimoliy Amerikani siqib chiqaradi. Bu haqda Boston Consulting Group kompaniyasi tomonidan e’lon qilingan Global Wealth 2014 hisobotiga tayanib, “RIA Novosti” xabar berdi.
O‘tgan yili OTM (Yaponiyani hisobga olmaganda) aholisining boyligi 30 foizga oshgan va 37 trillion dollarga yetgam. Bunga asosan Xitoy va Hindiston yalpi ichki mahsulotining o‘sgani va jamg‘armalarga yuqori me’yor belgilangani sabab bo‘ldi.
Hujjatda aytilishicha, bunday sur’atlarda o‘sishda davom etsa, 2018-yil oxirigacha OTM fuqarolari boyligi 61 trillion dollarga yetishi mumkin. “Bu bilan ular Shimoliy Amerikani eng badavlat mintaqa nomidan mahrum qilishadi”, — deyiladi hisobotda.
Izoh (0)