O‘zbekiston epidemiologiya xizmatlari qaroriga asosan, AQShdan cho‘chqa go‘shtini import qilish taqiqlandi. Bu haqda O‘zbekiston davlat bojxona qo‘mitasiga asoslanib “RIA Novosti” xabar bergan, deb yozadi Anhor.uz.
“RIA Novosti”ning O‘zbekiston davlat bojxona qo‘mitasidagi manbasi so‘zlariga ko‘ra, import taqiqi Amerika cho‘chqalarida diareya epidemiyasi tarqalgani haqidagi axborot bilan bog‘liq.
“Kun”ning ta’kidlashicha, agentlik suhbatdoshi O‘zbekiston shu kungacha AQShdan qancha cho‘chqa go‘shti import qilganiga aniqlik kiritmagan.
“AQShdan cho‘chqa go‘shti import qilishga nisbatan joriy etilgan taqiq O‘zbekistonning oziq-ovqat xavfsizligiga xavf soladi, deb o‘ylamayman”, — dedi bojxona vakili.
Izoh (0)