O‘zbekiston dunyodagi eng baxtli mamlakatlar 30 taligiga kirdi

O‘zbekiston Gallup World tadqiqot tashkiloti tomonidan tuzilgan baxtli davlatlar ro‘yxatiga kirdi. Bu haqda UzDaily xabar berdi.

Ijobiy taassurotlar ko‘rsatkichi (Positive Experience Index) reytingida O‘zbekiston 138 mamlakat ichida 29-o‘rinda joylashdi.

Ushbu reytingda O‘zbekiston MDH davlatlari ichida birinchi o‘rinni egalladi. Shuningdek, u Fransiya (34-o‘rin), Finlyandiya (36), Italiya (45), Buyuk Britaniya (54) va Yaponiya (60) kabi ba’zi rivojlangan mamalakatlarni ortda qoldirdi.

Paragvay, Panama va Gvatemala ro‘yxatda yetakchilik qildi. AQSh 15-o‘rinda joylashdi.

Gallup kompaniyasining ta’kidlashicha, ko‘p pul topadigan kishilar baxtliroq bo‘lib chiqqan. “Biroq baxt har doim ham pulga sotilavermaydi”, — deya ta’kidlandi xabarda.

Reyting 138 mamlakatning har birida mingga yaqin kishilardan olingan so‘rov natijasida tuzilgan.